एसियाली खेलकुद

रोटरी क्लब अफ विराटनगर डाउनटाउनद्वारा सफाई कर्मचारीलाई लत्ता कपडा र मिठाई वितरण

रंगेली संवाददाता

विराटनगर । रोटरी क्लब अफ विराटनगर डाउनटाउनले सडक सरसफाई गर्ने महिला कर्मचारीहरुलाई लत्ता कपडा र मिठाई वितरण गरेको छ ।

विराटनगर महानगरपालिकाकी उपमेयर शिल्पा निराला कार्कीको उपस्थितीमा क्लबले सडक सफाई गर्ने ५० जना महिला कर्मचारीहरुलाई नजिकिदै गरेको तिहार पर्वको अवसरमा लत्ता कपडा र मिठाई वितरण गरेको हो ।

उनीहरुलाई रोटरीलाई जन–जनसम्म पुर्याउन ‘बेस्ट आउट अफ वेस्ट’ अर्थात पुरानो कपडाबाट रोटरीको लोगोसहित झोला बनाई त्यसमा राखेर नयाँ साडी, चोलो, मिठाई र जुस वितरण गरिएको रोटरी क्लब अफ विराटनगर डाउनटाउनकी अध्यक्ष कुसुम अग्रवालले जानकारी दिइन् ।

सो अवसरमा रोटरी क्लब अफ विराटनगर डाउनटाउनका पदाधिकारी र सदस्यहरुको उपस्थिती रहेको थियो ।

प्रकाशित मिति: २०२३-११-०३ , समय : २२:४१:१५ , ४ महिना अगाडि